Namnet på setningsleddet adverbial kjem av ordklassen adverb.

Setningar kan innehalde setningsledd som verken er subjekt, verbal, direkte objekt, indirekte objekt, subjunksjonal, konjunksjonal eller predikativ.

Slike setningsledd plasserer vi i ei romsleg gruppe som vi kallar adverbial.

Spør og finn

Adverbial er setningsledd som kan gi svar på spørsmål som: Kor? Korleis? Kor ofte? Kor mykje? Når? Kvifor? Kor langt?

Det finst fleire adverbial enn dei ledda som kan fungere som svar på spørsmåla ovanfor.

Adverbial med preposisjon

Eksempel:

• Tidsadverbial: Janne spelte i går.

• Stadadverbial: Per joggar i ei skogsløype.

• Måteadverbial: Dan hoppar med spenst.

Adverbial utan preposisjon

Eksempel:

• Tidsadverbial: Eg hoppar no.

• Stadadverbial: Janne står her.

• Måteadverbial: Du kom raskt.

Setningsadverbial

Eksempel:

• Endrar betydning i ei setning: Eg kjem ikkje i dag.

• Uttrykkjer kjensle: Petter fekk heldigvis bestått på prøven.

• Forsterkar eller dempar: Du har nok/vel/visst gjort det du skal i dag.

Språk og adverbial

Nokre eksempel på korleis ulike typar språkmateriale kan bli brukte som adverbial:

• Preposisjonsfrasar: Du har vore på skolen.

• Substantivfraser: Kan du komme måndag morgon?

• Adjektivfraser: Elevane song surt.

• Adverb: No vil han leggje seg.

• Leddsetningar: Sidan du kan dette stoffet så godt, kan du  undervise resten av klassen i det.

Det kan vere fleire adverbial i same setning. I dette eksemplet er dei merkte med grøn og lilla skrift:

• Ho sprang fort for å rekke den siste timen.

Øving

Øving 1