Subjunksjonar eller underordningsord er ord som
innleier leddsetningar. Dei kan fortelje noko om mellom anna tid, formål, årsak, vilkår eller
samanlikning.
Tre typar
Vi har tre typar underordningsord:
-
ord som da/då, når, viss, dersom,
medan/mens, etter at, før, fordi, om, endå, sjølv om, at, for at, slik at, slik som
-
infinitivsmerket å
-
orda som og enn når dei innleier
leddsetningar
Leddsetningar med subjunksjonar
Leddsetningane nedanfor er merkte med grøn skrift. Subjunksjonar har
kursiv skrift.
-
Om du møter
førebudd til timen, skal du få undervise resten av klassen i ti minutt. (Vilkår)
-
Else gjekk på grupperommet
for
at
ho skulle kunne konsentrere seg betre. (Formål)
-
Fordi skolebussen hadde fått motorstopp, kom tre elevar for seint til skolefrokosten. (Årsak)
-
Da læraren henta fram ein lekseprøve, vart det ganske stille i klassen. (Tid)
-
Som du vil at andre skal
gjere mot deg, skal du gjere mot dei. (Samanlikning)
Merk at
ei leddsetning står som ledd, eller som deler av ledd, i andre setningar.